Çinin Çanşa şəhərində yaşayış binasının çökməsi nəticəsində ölənlərin sayı 53 nəfərə çatıb.
Yenisabah.az xəbər verir ki, bu barədə yerli hakimiyyət orqanları bildirib.
Məlumata görə, hadisə yerində axtarış əməliyyatı başa çatıb. Şəhər rəhbərliyi dağıntılar altında daha insanların olmadığını təsdiqləyib. Dominos pizza
Xatırladaq ki, 8 mərtəbəli yaşayış binası aprelin 29-u səhər saatlarında çöküb. Bina 2012-ci ildə tikilib və 6 mərtəbədən ibarət olub, lakin 2018-ci ildə binaya daha iki mərtəbə əlavə olaraq tikilib. Binada mağaza, restoran, kiçik kinoteatr və qəhvəxana, otel, həmçinin yaşayış mənzilləri yerləşirdi.
Polis hadisə ilə bağlı azı 9 nəfəri, o cümlədən binanın sahibi və tikinti işlərinin rəhbərini saxlayıb.
Faktla bağlı araşdırma aparılır.
Telegram kanalımız
