Xaricə sığınmış Ruslan Cəlilov polkovnik İsa Sadıqovu da arayış alverçisi adlandırıb.
Xaricdə mühacirətdə olan və söyüş müxalifətinin tanınmış simalarından sayılan Ruslan Cəlilov Əli Oğuzun verilişində iştirak edib.
Yenisabah.az xəbər verir ki, o, olduqca maraqlı faktlar açıqlayıb. pizza mizza
Ruslan Cəlilovun iddialarına görə, Haqq Ədalət Partiyasının sədri, keçmiş səhiyyə naziri Əli İnsanov Avropada siyasi sığınacaq alması üçün ona öz imzası ilə 1000 avro qarşılığında arayış verib. Maraqlısı budur ki, R.Cəlilov özü də bildirir ki, HƏP üzvü olmadığı halda, bu arayış ona necə verilib?!
O, həmçinin bildirib ki, Norveçdə mühacir həyatı yaşayan polkovnik İsa Sadıqov da ona pul müqabilində arayış satıb.
Xatırladaq ki, adıçəkilən şəxslər - Əli İnsanov və İsa Sadıqov hələ də bu iddialara münasibət bildirməyiblər.
Musavat.com məsələ ilə bağlı Haqq Ədalət Partiyasının rəsmisi Zəlimxan Məmmədli ilə əlaqə saxlayıb. Z.Məmmədli mövzuya şərh verməkdən imtina edib. Buna baxmayaraq, sayt ittiham olunan şəxslərin hər birinin mövqeyini dərc etməyə hazır olduğunu qey edib.
Telegram kanalımız
