"Azərbaycanın Ermənistanla sərhəddin Zəngilan, Laçın istiqamətində sərhədləri müəyyənləşdirməsi Yerevanda narahatlıqla qarşılanır. Ermənilər bunu Azərbaycanın bu ölkənin ərazi bütövlüyünə qarşı fəaliyyəti kimi elan edirlər. Ermənistan işğal dönəmində sərhədlərini qabağa çəkib, Azərbaycan ərazilərini ilhaq etmişdi. GPS və əldə olunan xəritələrə uyğun olaraq silahlı qüvvələr postları irəli çəkir və Laçın rayonunda yerləşən göl nəzarətimizə keçib. Sərhəddə emənilərin təxribatı mümkündür. Amma, Azərbaycan ordusu hazırlıqlıdı və ermeni tərəfi konkret olaraq çəkinir".
Yenisabah.az xəbər verir ki, bunu politoloq Məhəmməd Əsədullazadə deyib.
Politoloq Paşinyanın Azərbaycana qarşı iddihamlar irəli sürdüyü xatırladıb: Pepperoni pizza
"Baş nazir Nikol Paşinyan TŞ iclasını keçirib. Azərbaycana qarşı iddihamlar irəli sürüb. Ermənistan çalışacaq ki, KTMT-i məsələyə cəlb etsin. Provakasiyalara əl atsın. Artıq sabiq prezident S.Sarkisyan N.Paşinyanı qətiyyətsizlikdə iddiham edir. R. Koçaryan və S. Sarkisyan N. seçkiöncəsi Paşinyana qarşı bundan qara piar kimi istifadə edəcəklər. Ümumiyyətlə, Azərbaycan tərəfi Sünik vilayəti tərəfdə heç bir sərhəd pozuculuğuna getməyib. Dövlət sərhəddini müəyyənləşdirib. KTMT iki ölkə arasında sərhədin demarkasiyasına qarışa bilməz".
"Qeyd edim ki, Baş nazir Nikol Paşinyan da yaxşı bilir ki, Azərbaycan tərəfi dövlət sərhəddini müəyyən edir. Burada hər hansı bir sərhəddi keçmək prosesi yoxdur. Bundan əlavə orduda olan bir neçə general və digər vəzifəli şəxslər müxalifətlə yaxın münasibətləri olduğu üçün gərginlik yaratmaqda maraqlıdırlar. Nə Rusiya, nə də KTMT sərhəddin müəyyənləşdirilməsinə görə Azərbaycana təzyiq edə bilməyəcək. Rusiya müdafiə naziri Sergey Şoyquya zəng edən erməni müdafiə naziri V. Arutunyan telefon söhbətində sərhəd məsələsini qabartsa da Moskva konkret hərəkətə keçmədi. Ümumiyyətlə sərhədlərin müəyyənləşdirilməsində problemler qaçılmazdı", - deyə M.Əsədullazadə qeyd edib.
Telegram kanalımız
