Yaponiyanın paytaxtı Tokioda keçirilən dünya çempionatında Azərbaycanın daha 2 cüdoçusu mübarizəyə qoşulub.
“Yeni Sabah” xəbər verir ki, 90 kq çəki dərəcəsində yer alan Məmmədəli Mehdiyev 1/32 finalda İrji Petrlə (Çexiya) üz-üzə gəlib və qələbə qazanıb. O, 1/16 finalda Remi Fülleni (Mavritiya) məğlub edib. 1/8 finalda isə Mehdiyev "Minsk 2019" II Avropa Oyunlarının 1/4 finalında uduzduğu türkiyəli Mikayıl Özerler ilə qarşılaşıb. O, görüşü ipponla başa vuraraq, adını 1/4 finala yazdırıb.
70 kq çəkidəki qadın cüdoçu Günel Həsənli isə mübarizəni erkən dayandırıb. O, 1/32 finalda Aoyfe Koflana (Avstraliya) uduzub. Dominos pizza
Qeyd edək ki, hələlik Azərbaycan cüdoçuları dünya çempionatında 2 medal qazanıb. 73 kq çəki dərəcəsində Rüstəm Orucov gümüş, Hidayət Heydərov bürünc medala yiyələnib.
Telegram kanalımız
