“Rusiyanın Ermənistanda avropalı müşahidəçilərin yerləşdirilməsinə mənfi reaksiyası ondan irəli gəlir ki, Qərb inadla Rusiyanın regionda mövcudluq amilini və rolunu görmək istəmir”.
Yenisabah.az “Sputnik Armenia”ya istinadla xəbər verir ki, bu fikri rusiyalı politoloq Sergey Markedonov bildirib.
Analitik qeyd edib ki, Rusiya Aİ missiyasının yerləşdirilməsinin artıq reallıq olduğunu başa düşür və çətin ki, kimsə bundan sonra avropalı müşahidəçiləri qova bilsin: pizza mizza
“Aydındır ki, biz hansısa yolla müşahidəçilərlə əlaqə saxlamalı olacağıq. Amma problem müşahidəçilərin özləri deyil. Rusiya 100 nəfərdən qorxmur, əksinə, Rusiya Ermənistanın seçdiyi kursdan narahatdır. Nə Avropa Birliyi, nə də ABŞ Rusiyanı müəyyən oyunçu kimi görmür. Vaşinqton və Brüsselin bölgədə etdiyi hər şey sonda Rusiyanı bölgədən sıxışdırmağa planlaşdırılıb. Neqativliyə səbəb olan da budur”.
S. Markedonov KTMT missiyasının Ermənistana göndərilməsi ilə bağlı daha nikbindir:
“Baxmayaraq ki, bunun həm obyektiv, həm də subyektiv fəsadları var. KTMT Ermənistana ölkənin təhlükəsizliyini təmin etmək, eləcə də hərbi-texniki dəstək göstərmək üçün missiya göndərməyə hazır olduğunu iddia etməkdə davam edir. Lakin Ermənistan rəhbərliyi KTMT-nin tərəfdaş ölkələrinin Azərbaycanın ötən ilin sentyabrında təcavüzünə siyasi qiymət verməsini israr edərək hələlik qərarı gecikdirir. Digər mümkün maneə təşkilatın digər üzvlərinin mövqeyidir”.
Markedonov vurğulayıb ki, KTMT Rusiyanın atadan qalma mirası deyil və bu strukturda müxtəlif maraqları olan müxtəlif ölkələr var.
“Təbii ki, heç də hamı Ermənistanla Azərbaycan arasındakı münaqişəyə müdaxilə etmək istəyini düşünmür. Hər ölkənin öz problemləri var. Belarusun Ukrayna istiqamətində, Orta Asiya respublikalarının isə öz problemləri. Məsələn, Qırğızıstanla Tacikistan arasındakı ziddiyyətləri buna misal göstərə bilərəm.
İstənilən halda KTMT-nin mövqeyi ilə Rusiyanln mövqeyini bir-birindən ayırmaq lazımdır. Avropa İttifaqı müşahidəçilərinin iştirakı ilə bağlı bəzi mürəkkəbliklər də mövcuddur. Ancaq müsbət modallıq götürsələr, o zaman tərəflər hekayəti uğurlu sona çatdıra biləcəklər. Uğur həm Ermənistanın təşkilata üzvlüyü, həm də Rusiya ilə münasibətləri baxımından vacibdir”.
Telegram kanalımız
