NATO ölkələri Kiyevə yeni hərbi təchizatların verilməsi üçün artıq 10 milyard dollarlıq müqavilə imzalayıb.
Yenisabah.az xəbər verir ki, bunu NATO-nun baş katibi Yens Stoltenberq alyansın müdafiə nazirlərinin iclasından əvvəl deyib.
“Bu gün günorta mən Ukrayna-NATO Şurasının (UNC) iclasına sədrlik edəcəyəm, biz Ukraynaya yardımımızı necə dəstəkləyəcəyimizi müzakirə edəcəyik. Hasilatı artırmalıyıq. NATO ölkələri son aylarda 10 milyard dollarlıq müqavilələr üzrə razılığa gələ biliblər”, - deyə Stoltenberq qeyd edib. pizza hut
Baş katib əlavə edib: “Mən NATO ölkələrinin daha çox yardım, daha çox hava hücumundan müdafiə sistemi, daha çox sursat göndərməsini alqışlayıram, Avropa İttifaqının 50 milyard avro (dörd il ərzində) ayırma qərarını alqışlayır və ABŞ Konqresinin Ukraynaya dəstək paketini təsdiqləyəcəyini gözləyirəm"
Y. Stoltenberq bir daha Kiyevə silah tədarükünün xeyriyyəçilik deyil, NATO-nun öz təhlükəsizliyinə sərmayə olması fikrini ifadə edib.
Telegram kanalımız
