Bakı-Sabunçu-Bakı marşrutu üzrə hərəkət edən elektrik qatarları mayın 31-də, iyunun 1-2-də işləməyəcək.
“Yeni Sabah” xəbər verir ki, bu barədə “Azərbaycan Dəmir Yolları” QSC məlumat yayıb.
Xəbərə görə, təmirlə əlaqədar qatarların hərəkəti 3 günlük dayandırılacaq. İyun ayının 3-dən etibarən qatarlar yeni hərəkət cədvəli üzrə hərəkət edəcək. Gediş plastik kartla və biletlə təşkil olunacaq. Bu barədə sərnişinlərə əlavə məlumat veriləcək. Təmirin nədən ibarət olması açıqlanmayıb. pizza
Xatırladaq ki, Sabunçu vağzalı və dəmir yolu xəttinin mayın 21-də prezidentin iştirakı ilə açılışı olub. Açılışdan bir neçə gün sonra vağzalda, sonra isə başqa təmir işlərinin başlanması görünür işlərin tam yekunlaşmadan xəttin istifadəyə verildiyini göstərir.
Telegram kanalımız
