Ölkəmiz Qarabağ cəbhəsində olduğu kimi, koronavirus cəbhəsində də ləyaqətlə və ağılla mübarizə aparır. Lakin bu mübarizədə hər birimiz iştirak etməliyik.
Yenisabah.az xəbər verir ki, bunu “Azərbaycan Diabet Liqası” İctimai Birliyinin sədri, Səhiyyə Nazirliyi nəzdində İctimai Şuranın üzvü Yeganə Sultanova deyib.
Həkimin sözlərinə görə, hər birimiz anlamalıyıq ki, vətənimizin bu ağır dövründə özümüzü xəstəliklərdən qorumaqla arxa cəbhəni zəifləməkdən və ön cəbhədə döyüşən hərbçiləri xəstəliklərdən müdafiə etmiş olarıq. Marqarita pizza
Y.Sultanova qeyd edib ki, dünyanı vəlvələyə gətirən, hələ də geniş vüsət almaqda davam edən COVİD-19 virusu bütün dünyanı ikinci dalğası ilə qorxuya salır.
Xəstəliyin geniş yayılmasını çox təhlükəli sayan mütəxəssis qeyd edib ki, xəstəxanaların, tibb işçilərinin diqqəti cəbhəyə yönəldiyi bir dövrdə onları bu vacib missiyadan ayırmaq olmaz:
"Ona görə də özümüzü və döyüşən qüvvəmizi qorumalıyıq. Bunun üçün isə vacib şərt şəxsi gigiyena qaydalarını gözləmək, maskadan istifadə etmək, kütləvi toplantılara mümkün qədər şərait yaratmamaq, sosial məsafəni saxlamaqdır. Bu gün hər birimiz işğal altında olan torpaqlarımızın azad edilməsi üçün əlimizdən gələni, bacardığımızı etməliyik. Əgər vətəndaşlarımız tədbirləri düzgün etsələr, payız mövsümünü rahat və problemsiz keçirə bilərik. Gigiyena qaydalarına riayət edilməsi, maskanın taxılması, sosial məsafənin qorunması kimi tədbirlər bizim hər birimizi payız-qış mövsümü üçün xarakterik olan digər respirator xəstəliklərə yoluxmaqdan da qoruya bilər”.
Telegram kanalımız
