“Əhalinin artması ilə bir deputata düşən seçici sayının çoxalması faktı doğrudur və bu, vətəndaş müraciətlərinin həcmini, qəbul və görüşlərin intensivliyini artırır. Bu mənada, deputatların üzərinə düşən iş yükü real olaraq artıb...”.
Bu sözləri “Yeni Sabah”a Milli Məclisin Aqrar siyasət və İnsan hüquqları komitəsinin üzvü, deputat Razi Nurullayev deyib.
“Deputatların sayının artırılması məsələsini yalnız say artımı prizmasından yox, ümumi idarəetmənin səmərəliliyi baxımından qiymətləndirmək lazımdır. Sezar pizza
Amma deputatların sayının artırılması təkbaşına problemi avtomatik olaraq həll etmir. Əsas məsələ deputat-seçici əlaqələrinin nə dərəcədə effektiv qurulması, bölgələrdə qəbul mexanizmlərinin, köməkçi aparatın və institusional dəstəyin gücləndirilməsidir. Deputatlara effektiv iş üçün resurslar vacibdir” – deyə R.Nurullayev vurğulayıb.
Deputatın fikrincə, bu məsələ yalnız geniş müzakirələrdən sonra gündəmə gətirilə bilər:
“Eyni zamanda, parlamentin daha keyfiyyətli işləməsi üçün təkcə say yox, peşəkarlıq, məsuliyyət və real təmsilçilik vacibdir. Bu məsələ yalnız geniş ictimai müzakirələrdən, ekspert rəyindən və real ehtiyacın obyektiv qiymətləndirilməsindən sonra gündəmə gələ bilər. Yəni qərar verərkən emosional yanaşmadan yox, ölkənin idarəçilik ehtiyaclarından çıxış etmək daha doğru olardı”.
Əsmətxanım Rzazadə
Telegram kanalımız
