Milli Məclisin deputatı Araz Əlizadə Rusiyada saxlanılan azərbaycanlı jurnalist Fuad Abbasovla bağlı “Yenicağ.az”ın suallarını cavablandırıb. O, Fuad Abbasovun Türkiyə vətəndaşı olduğunu əsas gətirərək, onun adıçəkilən ölkəyə getməsini bildirib.
Həmçinin deputat, Fuad Abbasovun Rusiya telekanallarının tok-şoularına çıxmasını Rusiyadakı səfirimiz Polad Bülbüloğlu ilə əlaqələndirib.
“Yəqin ki bu, Poladın (Azərbaycanın Rusiyadakı səfiri Polad Bülbüloğlu – red.) xidmətidir. Onu Rusiya telekanallarının tok-şoulurına bizim səfirimiz Polad soxmuşdu… Rusiya televiziyaları Polada müraciət etmişdilər ki, bizim verilişlərdə erməni politoloqlar çox olsa da, azərbaycanlılar yoxdur. Xahiş edirik ki, azərbaycanlı politoloqları bizə təqdim edəsiz. Polad Bülbüloğlu isə onlara belə təqdimat vermişdi ki, rusdilli Azərbaycan politoloqları yoxdur, amma Türkiyə vətəndaşı olan Azərbaycan əsilli politoloq var. Onu göndərmişdi” Marqarita pizza
Modern.az saytı deputatın səsləndirdiyi fikirlərlə bağlı Milli Məclisin İntizam Komissiyasının sədri Ağacan Abıyevin mövqeyini öyrənməyə çalışıb.
Araz Əlizadəyə növbəti dəfə aşağılayıcı fikirlərinə görə İntizam Komissiyasında töhmət verilə bilərmi?
İntizam Komissiyasının sədri Ağacan Abıyev bu barədə danışmaq istəmədiyini deyib:
“Dəfələrlə demişəm. Telefonla verilən sualları cavablandırmıram. Bu cür məsələlərlə bağlı cavab vermək üçün Komissiya sədri işin içərisində olmalı, hər şeyi obyektiv formada ölçüb-biçməlidir. Mənim isə əlimdə tərəzi yoxdur ki, sizin dediyiniz məsələyə dərhal cavab verim. Ona görə də, əziz jurnalist dostlarımız, bu cür məqamlarda məni anlamağa çalışın! Hər bir hadisəyə dərhal telefonda cavab vermək olmaz”.
Telegram kanalımız
