Nikol Paşinyan nazirlərdən narazıdır və yaxın vaxtlarda hökumətdə çoxlu sayda işdən çıxarılma gözlənilir.
Yenisabah.az “Joqovurd”a istinadla xəbər verir ki, hazırda diqqət İrəvan Ağsaqqallar Şurasına seçkilərdən sonra vəzifəsini tərk edəcək ərazi idarəetmə və infrastruktur naziri Qnel Sanosyan və ətraf mühit naziri Akop Simidyana yönəlib. Lakin Nikol Paşinyan bununla məhdudlaşmayacaq. Yüksək texnologiyalar sənayesi naziri Robert Xaçatryan və əmək və sosial məsələlər naziri Narek Mkrtçyanın da vəzifələrindən getməsi planlaşdırılır.
Paşinyanın növbəti hədəfi kim olacaq, vəzifəsi ilə kim vidalaşacaq? Paşinyan özü isə tələsmir. O, İrəvan Ağsaqqallar Şurasına seçkiləri gözləyir, ondan sonra Nazirlər Kabinetində “təmizləmə”yə başlayacaq. pizza hut
Bundan başqa, işdən çıxarılan nazirlərin dəyişdirilməsi məsələsi hələ də həllini tapmayıb. "Sirr deyil ki, hazırda Paşinyanın demək olar ki, bütün komanda yoldaşları ilə münasibətləri gərgindir. O, heç kimə güvənmir və buna görə də yaxın vaxtlarda işdən çıxaracağı nazirlərə əvəzləyici tapmır”, - deyə "Joqovurd" qeyd edir.
Telegram kanalımız
