Ermənistanın Baş naziri Nikol Paşinyan dekabrın 25 və 26-da Sankt-Peterburqda Avrasiya İqtisadi İttifaqının və MDB rəhbərləri Şurasının iclasında iştirak edəcək.
Yenisabah.az-ın məlumatına görə, bunu Ermənistanın hakim “Vətəndaş müqaviləsi” partiyasındakı mənbə “Hraparak”a bildirib.
Məlum olduğu kimi, uzun müddətdir ki, rəsmi İrəvan Rusiya platformalarını boykot edir, nə Ermənistanın xarici işlər naziri, nə parlamentin sədri, nə də Baş nazir Rusiyanın himayəsi altında keçirilən siyasi toplantılarda iştirak edir. Onlar yalnız iqtisadi əlaqələri qoruyub saxlamağa çalışırlar. Pepperoni pizza
Məlumata görə, partiyanın şənbə günü Gümrüdə keçirilən siyasi toplantısında Nikol Paşinyan və Ararat Mirzoyan gileyləniblər ki, Qərb onların addımlarını düzgün dəyərləndirmir, ona görə də Rusiya ilə yumşaq siyasətə keçməyin vaxtı çatıb. Bununla o, qarşıdakı tədbirlərdə iştirakına aydınlıq gətirib.
Bundan əvvəl Rusiya prezidentinin köməkçisi Yuri Uşakov bildirmişdi ki, Moskva Ermənistandan Nikol Paşinyanın MDB ölkələri liderlərinin ənənəvi qeyri-rəsmi görüşündə, eləcə də Avrasiya İqtisadi İttifaqının rəsmi görüşündə iştirak edəcəyi barədə siqnal alıb.
Qeyd edək ki, verilən izahata rəğmən Paşinyanın bu qərarı Ermənistanın siyasi kluarlarında birmənalı qarşılanmayıb. Ermənistan müxalifəti Nikolun bu addımını "Rusiya qarşısından geri çəkiləmk", "tüpürdüyünü yalamaq" kimi qiymətləndirib.
Telegram kanalımız
