Polşa ordusunun sayı 2024-cü ilin sonuna kimi 220 min əsgərə çatdırılacaq.
Yenisabah.az Polsat News-a istinadla xəbər verir ki, bunu Polşanın milli müdafiə naziri Vladislav Kosiniyak-Kamış telekanalına bildirib.
Onun sözlərinə görə, qoşunların sayı ildən-ilə artacaq: pizza
"Bizim aktiv ehtiyat formasında inkişaf üçün böyük imkanlarımız var. Bunlar and içmiş və ehtiyatda olan təlim keçmiş insanlardır və təcili təhlükə yarandıqda istifadə olunur".
Hazırda Polşa silahlı qüvvələrinin sayı təxminən 200 min nəfərdir, o cümlədən 148 mini peşəkar əsgərdir.
Dekabrda keçirilən parlament seçkilərində qalib gələn Polşa müxalifəti indiki hökumətin ordunun sayını artırmaq planlarını və Müdafiə Nazirliyinin bağladığı müqavilələri dəfələrlə tənqid edib.
Daha sonra Müdafiə Nazirliyinin yeni rəhbərliyi yüksək müdafiə xərclərini saxlayacağını açıqlayıb. Polşa prezidenti Andjey Duda tərəfindən təsdiqlənən illik büdcədə müdafiə xərcləri 118 milyard zloti (ekvivalentdə 29,4 milyard dollar) məbləğində müəyyən edilib ki, bu da 2024-cü il üçün planlaşdırılan ÜDM-in 3,1%-ni təşkil edir.
Telegram kanalımız
