Maliyyə Bazarlarına Nəzarət Palatasının ləğv edilməsinin səbəbi qurumun üzərinə düşən vəzifələri yerinə yetirə bilməməsi olub.
Bu barədə Yenisabah.az-a daxil olan məlumata görə, Prezident İlham Əliyevin 6 dekabr 2016-cı il tarixli fərmanı ilə təsdiq edilmiş “Azərbaycan Respublikasında maliyyə xidmətlərinin inkişafına dair Strateji Yol Xəritəsi” çərçivəsində Palataya konkret tapşırıqlar verilib.
Hətta tapşırıqların dəqiq icra müddəti də müəyyənləşdirib. Məsələn, Palata 2020-ci ilə Strateji Yol Xəritəsi prioritet hesab edilən məlumatların açıqlanması mexanizmlərinin müəyyən edilməsi, sistem əhəmiyyətli bankların tənzimləmə mexanizminin müəyyən edilməsi, milli reytinq agentliklərinin yaradılması imkanlarının qiymətləndirilməsi ilə bağlı tapşırıqları icra etməli imiş. Fəqət, bunun əksi baş verib. Palata bu və digər tapşırıqları icra etməyib. Beləliklə də qısa müddətdə maliyyə-bank sektorunun sağlamlaşdırılması prosesi baş tutmayıb. Pepperoni pizza
Maliyyə Bazarlarına Nəzarət Palatası dövlət başçısının 3 fevral 2016-cı il tarixli fərmanı ilə təsis edilmişdi. Fərmana əsasən, həmin vaxt fəaliyyət göstərən Qiymətli Kağızlar üzrə Dövlət Komitəsinin, Maliyyə Nazirliyinin Dövlət Sığorta Nəzarəti Xidmətinin və Mərkəzi Bankı yanında Maliyyə Monitorinqi Xidmətinin səlahiyyətləri və əmlakı Palataya verilmişdi.
Bundan başqa, bankların fəaliyyətinə nəzarət səlahiyyətləri də Mərkəzi Bankdan alınaraq Palataya həvalə edilmişdi.
Noyabrın 28-də ölkə Prezident İlham Əliyev Maliyyə xidmətləri bazarında tənzimləmə və nəzarət sisteminin idarəedilməsinin təkmilləşdirilməsi haqqında sərəncam imzalayıb.
Sərəncama əsasən, Maliyyə Bazarlarına Nəzarət Palatası ləğv edilib və Azərbaycan qanunlarında maliyyə bazarlarına nəzarət orqanının müəyyən edilmiş səlahiyyətləri, o cümlədən onun maliyyə xidmətləri bazarında lisenziyalaşdırma, tənzimləmə və nəzarət, investorların və maliyyə xidmətləri istehlakçılarının hüquqlarının qorunması sahəsində vəzifə və hüquqları, habelə əmlakı Azərbaycan Respublikasının Mərkəzi Bankına verilib.
Telegram kanalımız
