Rusiya prezidenti Vladimir Putin Şərq İqtisadi Forumunda (ŞİF) çıxışı zamanı Ermənistanla vəziyyətin gərginliyini azaltmağa çalışıb.
Yenisabah.az TASS-a istinadla xəbər verir ki, bunu MDB Ölkələri İnstitutunun Qafqaz şöbəsinin müdiri Vladimir Novikov deyib.
“Vladimir Putin təcrübəli diplomat kimi Ermənistan rəhbərliyi ilə münaqişədən qaçmağa çalışır, çünki başa düşürük ki, baş nazirlər gəldi-gedərdir, lakin Rusiya-Ermənistan münasibətləri əvvəllər də olub, indi də var və bundan sonra da olacaq”, - ekspert qeyd edib. Dördpendirli pizza
Novikovun vurğuladığı kimi, Moskva bütün gücü ilə Rusiya Federasiyasını qıcıqlandırmaq və onu təhrik etmək üçün hər şeyi edən hazırkı Ermənistan rəhbərliyi ilə birbaşa münaqişədən qaçmağa çalışır.
Ekspertin fikrincə, Ermənistanın baş nazirinin belə qarşıdurma kursu başa düşüləndir. “Hərbi-siyasi və diplomatik uğursuzluqlar və faktiki olaraq özünü Qarabağ problemlərinin həllindən kənarda qoyduğu bir şəraitdə Paşinyana bütün uğursuzluqlarını ona bağlayacaq ildırımqovucu lazımdır, - ekspert izah edib. - Hərəkətlərinə görə, o, ildırımqovucu çubuqkimi Rusiyanı seçib".
Təhlilçinin fikrincə, Paşinyan Moskva ilə münaqişə xəttini davam etdirəcək: “Onun uğursuz hərbi-siyasi və diplomatik hərəkətləri nəticəsində yarana biləcək bütün ictimai enerjini özündən yayındırmaq üçün bu ildırımqovucu çubuq lazımdır”, - Novikov yekunlaşdırıb.
Bundan əvvəl Putin Şərq İqtisadi Forumunda çıxışında Rusiya-Ermənistan münasibətlərində heç bir dönüş görmədiyini qeyd etmişdi. O, Ermənistanın baş naziri Nikol Paşinyanla daimi təmasda olduğunu da qeyd edib.
Telegram kanalımız
