Konfrans Liqasının 2-ci təsnifat mərhələsinin "Fehervar"la ilk oyununda zədələnən "Qəbələ"nin futbolçusu İlkin Qırtımovun son durumu məlum olub.
Yenisabah.az xəbər verir ki, klubun mətbuat xidmətinin rəhbəri Anar Hacıyev Qol.az-a açıqlamasında 32 yaşlı müdafiəçinin vəziyyətinin yaxşı olduğunu bildirib:
"İlkin rəqib futbolçusu ilə toqquşmada sonra bir anlıq şok yaşadı. Bir müddət özündən getdi. Xəstəxanaya aparıldı və həkim nəzarətindən sonra yaxşılaşdı. İndi hər şey qaydasındadır. Futbolçunun heç bir problemi yoxdur. Hazırda komanda ilə birlikdə Azərbaycana qayıdır". pizza sifarişi
Xatırladaq ki, İlkin Qırtımov ilk hissənin sonlarına yaxın ciddi zədə alıb. Ağrıdan şoka düşən futbolçunun dili qatlanıb. Bu zaman ona ilk yardımı kapitan Asif Məmmədov edib. Meydanı xərəkdə tərk edən Qırtımov daha sonra ambulansla xəstəxənaya aparılıb və bir neçə saat həkim nəzarətində qalıb.
Telegram kanalımız
