Beyləqan Rayon Mərkəzi Xəstəxanasının həkim-ümumi cərrahı Babayev Şakir Camal oğlu səhhətində yaranmış problemlərlə əlaqədar vəfat edib.
"Yeni Sabah" xəbər verir ki, bu barədə xəstəxandan məlumat verilib.
Qeyd edək ki, Şakir Babayev 20 iyul 1956-cı ildə İmişli rayonu, Əliqulular kəndində anadan olub. 1978–1984-cü illərdə Azərbaycan Tibb Universitetinin cərrahiyyə fakültəsində ali təhsil alıb, 1984–1985-ci illərdə Respublika Klinik Xəstəxanasında internatura keçərək peşəkar həkim kimi formalaşıb.
O, 1985–1988-ci illərdə Hadrut Rayon Mərkəzi Xəstəxanasında həkim-cərrah vəzifəsində çalışıb, 1989-cu ildən etibarən isə Beyləqan Rayon Mərkəzi Xəstəxanasında ümumi cərrah kimi fəaliyyətini davam etdirib.
Allah rəhmət eləsin!
Telegram kanalımız
