Mayın 19-da Naxçıvanda Azərbaycan kuboku uğurunda “Qəbələ” – “Sumqayıt” üz-üzə gələcək.
“Sumqayıt”ın mətbuat xidmətinin rəhbəri Rəşad Məmmədov “Yeni Sabah”a açıqlamasında klubun final öncəsi planlarından danışıb:
“Komanda dünənki məqşdən sonra Mərdəkanda qalıb. Bu gün axşam 23:30-da Naxçıvana yola düşəcəklər. Sabah son məşqlərinə çıxıb, oyundan sonra gecə 00:05 reisi ilə Bakıya qayıdacaqlar. Aleksey İsayev cəzalı olduğuna görə bu matçı buraxmalı olacaq. Peyman Babayi, Ehtiram Şahverdiyev isə zədəlidir. Onların iştirak edib-etməyəcəyi oyun saatı bilinəcək”.
R.Məmmədov matç üçün azarkeşlərin gediş və gəlişinin klub tərəfindən təşkil olunduğunu da qeyd edib:
“Klub ən fəal azarkeşləri üçün Naxçıvan səfərini təşkil edib. 50 nəfərə yaxın azarkeş bura daxildir. Oyun günü gedib, oyun günü də təyyarə ilə qayıdacağıq”.
Naibə Məmmədova
Telegram kanalımız
