Aprelin 1-də Sumqayıtda dəm qazından zəhərlənən azyaşlılardan daha ikisinin müalicəsi başa çatıb.
Bu barədə "Yeni Sabah"a Sumqayıt Tibb Mərkəzinin Uşaq Xəstəxanasından məlumat verilib. Bildirilib ki, müalicəsi davam etdirilən 2 nəfər (kişi cinsli) ambulator müalicə üçün evə buraxılıb:
"Respublika Pediatriya Mərkəzinin nəzdindəki Ə.F.Qarayev adına Uşaq Klinik Xəstəxanasında müalicəsi davam etdirilən və meninqoensofalit diaqnozu təyin edilən 1 nəfərin (qadın cinsli) vəziyyəti isə ağır stabil olaraq qalır". pizza sifarişi
Qeyd edək ki, aprelin 1-də Sumqayıt şəhəri Hacı Zeynalabdin Tağıyev qəsəbəsində bir ailənin 6 üzvü dəm qazından zəhərlənib.
Zəhərlənən uşaqlar Sumqayıt Tibb Mərkəzi və Bakıdakı Respublika Pediatriya Mərkəzinin nəzdindəki Ə.F.Qarayev adına Uşaq Klinik Xəstəxanasına yerləşdirilib.
Aprelin 3-də 2 yaşlı qız ölüb.
Ailənin ümumilikdə 9 övladı olub.
Xatırladaq ki, uşaqların atası Kamil Cəbrayılov körpə övladının dəfni zamanı TikTok-da canlı yayım açıb, cənazəni qucağına alaraq videolar çəkib və bunları sosial şəbəkələrdə yayıb. Onun bu hərəkətləri cəmiyyətin qınağına səbəb olub.
Aytac Əliyeva
Telegram kanalımız
