Suriyanın şimal-şərqindəki Haseke əyalətində yerləşən Kəsrək hərbi bazasına qonşu İraqdan buraxılan dronlar hücum edib.
"Yeni Sabah" xəbər verir ki, məlumatı Suriya ordusu yayıb.
"Əl-Hadath TV"-nin yaydığı məlumata əsasən "Kəsrək bazasına dörd döyüş dronu ilə hücum edilib". Toyuqlu pizza
Suriya ordusu "ölkə ərazisinə edilən dron hücumuna görə İraq hökumətini məsuliyyətli bilir". Hücum nəticəsində bazaya dəyən ziyan və ya mümkün itkilər barədə hələlik məlumat yoxdur.
Martın 24-də İraqda fəaliyyət göstərən militant şiə qrupları Haseke əyalətindəki Rmeilan neft yatağına hücum elan ediblər. Suriya Ərəb Ordusunun Birgə Əməliyyatlar Komandanlığı bildirib ki, İraq ərazisindən, Suriya-İraq sərhədindən təxminən 20 kilometr məsafədə yerləşən bir kənddən beş raket atılıb.
Qeyd edək ki, Kəsrək ABŞ və koalisiya qüvvələrinin Suriyada yerləşdiyi hərbi bazalardan biridir. Koalisiya qüvvələri 2024-cü ildə bazanı tərk edib./Musavat.com
Telegram kanalımız
