Xorvatiya millisi Azərbaycan və Slovakiya ilə keçirəcəyi AVRO-2020-nin seçmə matçlarından öncə itki ilə üzləşib.
“Yeni Sabah” xəbər verir ki, yığmanın futbolçusu Tin Yedvay hər iki qarşılaşmanı buraxacaq. Buna Almaniya "Bayer"ində (Leverkuzen) çıxış edən müdafiəçinin zədəli olması səbəb olub.
Qeyd edək ki, daha öncə İspaniya "Barselona"sında çıxış edən İvan Rakitiç özünü psixoloji cəhətdən hazır saymadığı üçün millinin heyətindən çıxarılmasını istəyib. İngiltərənin "Çelsi" klubunun yarımmüdafiəçisi Mateo Kovaçiç isə zədələndiyi üçün komandadan kənarda qalıb. pizza sifarişi
Qeyd edək ki, Xorvatiya yığması bu gün Slovakiyanın, sentyabrın 9-da isə Azərbaycan millisinin qonağı olacaq.
Telegram kanalımız
