Qanunsuz erməni silahlı birləşmələrinin üzvləri tərəfindən Xocalı rayonunun Meşəli kəndində soyqırım törədənlərdən biri - Xaçatryan Vaqif Çerkezoviçin cinayət işi üzrə zərərçəkmiş Eldar Salmanov ifadə verib.
Demokrat.az xəbər verir ki, Bakı Hərbi Məhkəməsində zərərçəkmiş Eldar Salmanov bildirib ki, o, Vaqif Xaçatryanı tanıyır:
"Qonçə xalamı, Əvəz dayımı evin içinə qatdılar, evi yandırdılar. Vaqif Xaçatryan dəfələrlə bizim evdə çörək yeyib. Bu qırğını törətdi. Çox araşdırma aparmışam belə vəhşilik görməmişəm. Ölmüş meyitini gözünü çıxarırdılar. Qulaq kəsənlərə, döş kəsənlər, hamilə qadının qarnını yaranıb çıxaranlara yaxşı pul verirdilər. Meşəlikdə bu şəxslər insanlara zülm edirdilər. Bizim qatı düşmənimizdilər. Gözümüz qabağında Novruzun evinə od vurdular. Qızları içəridə diri-diri yandırdılar. Qapını atəşə tuturdular ki, evdən çölə çıxan olmasın. Novruz dayının qızışlarını yandırmasını gözlərim ilə gördüm". Sezar pizza
Zərərçəkmiş deyib ki, Vaqif Xaçatryanla birlikdə sürücü işləyən Rəfinin oğludur.
Onun sözlərinə görə, kənddən yaşlı insanların, azyaşlı uşaqların çıxması barədə əvvəlcədən xəbərdarlıq etməyiblər.
O deyib ki, silahlı birləşmə kəndə qəfil hücum edib.
Qeyd edib ki, şəxsən Vaqif onların maşının qarşısını kəsiblər, həmin vaxt Vaqifi tanıyıblar. Sevinirlər ki, Vaqif tanışdır. Amma Vaqif də, onunla birlikdə olan şəxslər də maşını atəşə tutdular. Vaqifin əlində balta da vardı".
Zərərçəkmiş " Əvəz kişini evində çörək yemişdin, onun qızını, gəlinini niyə yandırdın" deyə sual etsə də, Vaqif Xaçatryan onun suallarına cavab verə bilməyib.
Daha sonra ifadə verən sabiq polis işçisi, Meşəli kəndinin sakini Nemət Rəcəbov ifadə verib.
Hadisələrin baş verməsindən danışan zərərçəkmiş ona ən layiqli cəza verilməsini istəyib.
Daha sonra zərərçəkmiş İlham Kazımov ifadə verib. Zərərçəkmiş şəxsin sözlərinə görə, Vaqif Xaçaturyanın özünü yox, atasını tanıyıb.
Meşəli kəndində hücum olmasından danışan zərərçəkmiş bildirib ki, həmin gün 25 nəfəri qətlə yetiriblər, 24 nəfər isə yaralanıb:
"Həmin hadisələr zamanı atam da şəhid oldu. Atam Xəlil ovçu idi. Onu vurdular ki, nişan ala bilməsin. Uşaqları da öldürdülər. Mənə Qaımova Nübar dedi ki, bizi Vaqifin dəstəsi qırdılar. Mən həmin hadisələrdən sonra Vaqifi tanıyıram. Vaqif tutulanda dedim ki, bizim düşmənimizi tutdular. Ona ömürlük cəza verilsin".
Zərərçəkmiş bildirib ki, Nübar Qasımova ayağında yaralanmışdı, əri isə həlak olmuşdu.
Onun sözlərinə görə, məktəbin mühafizəsini həyata keçirib, çalışıb ki, məktəbə erməni silahlı şəxs girməsin:
"Üç güllə atdılar, sonra yerdən-göydən od yağdı. Elə bil ki, bu atəş parol idi. Laçın rayonuna tərəf yol açıq idi, çox adam o tərəfə çıxdı. Yoxsa daha çox həlak olanlar olacaqdı. Biz üç saat müqavimət gösırdik, sonra silahlarımız tükəndi".
Zərərçəkmiş Vaqif Xaçaturyanın özünü artistliyə qoyub, guya heç kimi tanımadığını deyib.
O təqsirləndirilən şəxsdən şikayətçi olduğunu, ömürlük cəza verilməsini istəyib.
Digər zərərçəkmiş, sabiq polis işçisi Nemət Rəcəbov ifadə verib.
O deyib ki, 1988-ci ilə kimi onların yaşadığı kənd Padardan keçiblər:
"Həmin ildən sonra vəhşiləşdilər. Bizim maşınları daşladılar. Hadisə günü kəndimizə hücum etdilər. Güllə dolu kimi yağırdı".
Zərərçəkmiş bildirib ki, hadisə zamanı atası şəhid olub, özü isə yaralanıb.
Zərərçəkmiş Vaqif Xaçaturyanın yalan danışdığını bildirib, ona ömürlük cəza verilməsini istəyib:
"Vaqif həmin hadisələr zamanı batalyon komandiri olub. Bir ailəni qırdılar, 17 yaşında qızı, ata və anasını öldürdülər. Elə hücum etmişdilər ki, özünüzü müdafiə edə bilmirdik".
Vaqif Xaçaturyan bu zərərçəkmişi də, onun qardaşını da tanıdığını bildirib. Amma zərərçəkmiş onu tanımadığını bildirib. Zərərçəkmiş Bacara kəndində "Donuz otaran Çərkəzi" tanıdığını bildirib.
Azərbaycan dilində danışan Vaqif Xaçaturyan zərərçəkmiş şəxsi tanıdığını bildirib.
Proses günün ikinci yarısında davam edəcək.
Telegram kanalımız
