"Qanunsuz dini təbliğat fəaliyyətini təşkil edən əcnəbilər barədə hüquqi tədbirlər görülüb".
Yenisabah.az xəbər verir ki, bu barədə Dövlət Təhlükəsizliyi Xidməti (DTX) və Dövlət Miqrasiya Xidməti (DMX) birgə məlumatında deyilir.
Xarici ölkə vətəndaşlarının Azərbaycan ərazisində qanunvericiliyin tələblərini pozaraq dini təbliğat işi aparmaları ilə bağlı daxil olmuş məlumatlar əsasında DTX və DMX birgə tədbirlər görüb. Dördpendirli pizza
Nəticədə başqa dövlətin ərazisində yerləşən dini mərkəzin üzvləri olan əcnəbilər - 1968-ci il təvəllüdlü Şeyx Məhəmməd Hənif, 1981-ci il təvəllüdlü Kərim Bux və 1968-ci il təvəllüdlü Çanna Tac Məhəmmədin Azərbaycanda qeyri-ənənəvi dini cərəyana aid ideyaların təbliği istiqamətində fəaliyyət göstərmələri, qanunsuz qapalı dini yığıncaqlar və dini ayinlərin icrasını təşkil etmələri təsbit olunub.
Həmin şəxslər “Dini etiqad azadlığı haqqında” Qanununun tələblərinə zidd fəaliyyət göstərmələri müəyyənləşdirilib və ölkə hüdudlarından kənara çıxarılıb.
Telegram kanalımız
