Abşeron rayonunda iki qəsəbəni birləşdirən yol yenidən qurulur. Rayonun Mehdiabad qəsəbəsinin Qara Qarayev küçəsinə asfalt örtüyü çəkilir.
“Yeni Sabah” xəbər verir ki, bununla əlaqədar olaraq rayon icra hakimiyyətinin başçısı İradə Gülməmmədova qəsəbənin bir sıra ərazilərinə baş çəkib.
İcra başçısı əvvəlcə Qara Qarayev küçəsi boyunca görülən işlərlə maraqlanıb. Məlumat verilib ki, Prezident İlham Əliyevin müvafiq sərəncamına əsasən Mehdiabad qəsəbəsində sakinlərin gediş-gəlişininin yaxşılaşdırılması məqsədilə Qara Qarayev, Cəfər Cabarlı, Əhməd Cavad və Çingiz Mustafayev küçələri Azərbaycan Avtomobil Yolları Dövlət Agentliyi tərəfindən əsaslı təmir olunur. Toyuqlu pizza
İ.Gülməmmədova Qara Qarayev küçəsində görülən işlərlə ətraflı tanış olduqdan sonra yolun təmirinin keyfiyyətli aparılmasına dair bir sıra tapşırıqlar verib.
Daha sonra İ.Gülməmmədova adı çəkilən küçədə sakinlərlə görüşüb, onları narahat edən məsələlərlə yerində tanış olub. Sakinləri dinləyən rayon rəhbəri mövcud problemləri araşdırılaraq aradan qaldırılması üçün aidiyyatı üzrə tapşırıqlar verib.
Telegram kanalımız
