"Milli Məclisdə I dərəcəli “Rəşadət” ordenli Vasif Tağıyevlə görüşdüm. Vasif hələ xəstəxanada müalicə olunarkən ziyarət etmişdim, artıq tam sağaldığı üçün Parlamentdə görüşdük".
Yenisabah.az xəbər verir ki, bunu Milli Məclis sədrinin müavini Adil Əliyev deyib.
"Vasif İranda səfirliyimizə qarşı törədilən xain hücumun qarşısını alarkən qəhrəmanlıq göstərərək, terrorçunu zərərsizləşdirmiş, dünyaya dövlətimizin və xalqımızın gücünü bir daha nümayiş etdirmişdir. Məhz şəhidlərimizin, qazilərimizin, eləcə də Vasif kimi mərd oğullarımız sahəsində bu gün Azərbaycan dünyada qəhrəmanlar ölkəsi olaraq tanınır. Vətən uğrunda canlarını qurban verən igidlərimizin əziz xatirəsini dərin hörmət və ehtiramla yad edir, Allahdan şəhidlərimizə rəhmət, ailələrinə səbir və qazilərə şəfa diləyirəm" - A.Əliyev qeyd edib. Pepperoni pizza
Telegram kanalımız
