Bu gün səhər saatlarında Ağsu rayonunda dağda yaranmış sürüşmə nəticəsində Ağsu-Xanbulaq avtomobil yolunun təqribən 7-ci km-də yolun hərəkət hissəsinə dağın yamac hissəsindən torpaq qatı axaraq tökülüb.
Azərbaycan Avtomobil Yolları Dövlət Agentliyindən “Yeni Sabah”a verilən məlumata əsasən, nəticədə yol ilə hərəkət qısa müddətlik məhdudlaşıb.
Dərhal əraziyə Agentiyin texnika və canlı qüvvəsi cəlb olunaraq qısa müddət ərzində yaranmış problem aradan qaldırılıb və yol ilə hərəkət bərpa olunub. Sezar pizza
Qeyd edək ki, ərazi aktiv sürüşmə zolağında yerləşir və torpaq uçqununa intensiv yağışlar səbəb olub.
Telegram kanalımız
