Martın 6-da Sumqayıt şəhərində 1995-ci il təvəllüdlü Mehriban Ağabalazadənin ölməsi barədə şəhər prokurorluğuna məlumat daxil olub.
Bu barədə “Yeni Sabah”a Sumqayıt Şəhər Prokurorluğundan məlumat verilib.
İlkin araşdırmalarla 1977-ci il təvəllüdlü İsmayıl Ramazanovun Mehriban Ağabalazadəni qəsdən öldürməsinə əsaslı şübhələr müəyyən edilib. pizza
Faktla bağlı Sumqayıt Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, İ.Ramazanov iş üzrə şəhər prokurorluğu tərəfindən şübhəli şəxs qismində tutulub.
***
11:47
Bu gün səhər saatlarında Sumqayıtın Hacı Zeynalabdin qəsəbəsi ərazisində qətl gerçəkləşib.
"Yeni Sabah" xəbər verir ki, 1977-ci il təvəllüdlü Yevlax rayon sakini İsmayıl Ramazanov aralarında yaranmış münaqişə zəminində 1995-ci il təvəllüdlü arvadı Mehriban Ağabalazadəyə bıçaq xəsarətləri yetirib.
Nəticədə qadın hadisə yerində ölüb.
Hadisə yerindən qaçan İ. Ramazanovu tutularaq istintaqa təhvil verilib.
Araşdırma aparılır.
Telegram kanalımız
