Türkiyənin Şimali İraqda həyata keçirdiyi əməliyyatın məqsədləri və icra forması uzun müddətdir müzakirə olunmaqdadır. Son hadisələrdən sonra Türkiyə SQ-nin istefada olan generallarının açıqlamaları diqqətləri cəlb etmiş və Türkiyə cəmiyyətində müəyyən fikirlərin formalaşmasına səbəb olmuşdu.
Yenisabah.az xəbər verir ki, bu yaxınlarda yerli medialardan birinə müsahibə verən general-mayor Osman Pamukoğlu əməliyyatın həyata keçirilməsi formasını tənqid etmiş və qatıldığı verilişdə öz fikirlərini belə ifadə etmişdi:
“Mən sərhəddən xaricdə bazaların yaradılmasının əleyhinəyəm, bizim torpaqla işimiz yoxdur. Biz terrorçunu axtarırıq. Biz oraya girib 3-4 günə məhv edib gedərik. Mən İraqa 21 dəfə girib-çıxmışam. Niyə? Orada qalmağıma ehtiyac yoxdur. Qeyri-ənənəvi müharibədə yalnız bir düstur var: Axtar, tap və məhv et. Ovunun arxasınca gedən qartal kimi, sən bir anda uçub onu ovlayacaqsan, amma orayaa yerləşməyəcəksən”. pizza mizza
General-leytenant Engin Alan isə şəhid xəbərlərindən sonra əməliyyatı bu cür şərh edib:
“Mən bölgəni, ərazini bilmədən əlinə çubuq alıb ekranlarda gəzən biri olmaram. Filan qəzetdə, filan TV-də verilişə qatılmaram. Hadisənin baş verdiyi ərazi 4 il XTQ-nin komandiri kimi qərargahımın yerləşdiyi Şimali İraqın İmadiyə bölgəsidir. Mən bölgəni addım-addım tanıyıram
Nə, niyə, necə oldu? Biz yalnız dövlətin bizim məlumatımıza, rəyimizə və düşüncələrimizə ehtiyac duyduğu halda danışırıq. Yoxsa heç yerdə təkəbbür göstərməz, televiziya ekranlarında mühakimə etmərik”.
Telegram kanalımız
