Ağır xəstəlikdən əziyyət çəkən xalq artisti, məşhur aktrisa Lətifə Əliyeva dolanışığının ağır olduğunu deyib.
Yenisabah.az xəbər verir ki, ayaqları tutulan aktrisa göz yaşları içərisində xalqa müraciət də edib:
“Yeriyə bilmirəm, ərzaq aldığım iki mağazaya borcum var, amma düşüb verə bilmirəm. İnsanlara yalvarıram, ayaqlarınızın altında ölüm, oturun evdə, çıxmayın bayıra, xəstələnməyin. Siz yaşamalısız ki, biz də yaşayaq”. Sezar pizza
Telekanallardan incidiyini deyən aktrisa ən böyük arzusunu dilə gətirib:
“Televiziyalardan da incimişəm. Teatrda müqavilə ilə işləyirəm, amma ayaqlarıma görə işə gedə bilmirəm. Əlil arabasında da olsa, filmlərə çəkilmək istəyirəm”.
Xalq artisti bu sözləri ARB-nin “Elgizlə izlə” verilişində deyib.
Qeyd edək ki, əməkdar artist İlkin Əhmədov aktrisanı evində ziyarət edib, ona maddı dəstək olub. /Yeniscag.az
Telegram kanalımız
