“Azərbaycan da daxil olmaqla, keçmiş sovet respublikalarından heç birinin KTMT və Aİİ-yə (Avrasiya İqtisadi İttifaqı) üzv ola bilməsi Moskva ilə sövdələşmə mövzusu deyil, Rusiya bunu güzəşt və ya hədiyyə hesab etmir".
Yenisabah.az “Armenpress"ə istinadla xəbər verir ki, bunu MDBMİ-nin Beynəlxalq Əlaqələr İnstitutunun aparıcı elmi işçisi Nikolay Silayev bildirib.
Rusiyalı mütəxəssis Azərbaycanın gələcək hərəkətlərini, KTMT və ya Aİİ-yə üzv olmaq üçün müraciət edəcəyini proqnozlaşdıra bilməyəcəyini, ancaq Rusiyanın bu məsələyə münasibətini təsvir edə biləcəyini söyləyib. Dördpendirli pizza
O, Azərbaycanın bu üzvlüyü faydalı hesab edərsə, bu mövzuda danışıqlara başlaya biləcəyini vurğulayıb.
"Əlbəttə, Rusiya postsovet məkanının inteqrasiyasında maraqlıdır, lakin uzun illər əvvəl çoxsəviyyəli inteqrasiya ideyası ortaya çıxıb: kim daha sürətli inteqrasiya etmək istəyir, kim daha yavaş inteqrasiya etmək istəmir. Bu baxımdan KTMT və Aİİ-yə bu və ya digər ölkənin təşkilata daxil olması halında Rusiyaya nə verəcəyi mənasında sövdələşmə mövzusu deyil. Ölkə üçün faydalı olarsa, Rusiya, əlbəttə, bu məsələni nəzərdən keçirəcək, danışıqlar aparacaq, lazımi dəyişiklikləri edəcək və tərəfdaşları ilə yeni ölkələrin üzvlük məsələlərini müzakirə edəcək. Amma Rusiya bunu nəyinsə qarşılığında hədiyyə olaraq deyil, qarşılıqlı faydalı bir proses olaraq görür. Bakı bu məsələ ilə bağlı açıqlama verərkən, tez -tez Azərbaycanın KTMT və ya Aİİ-yə üzv ola biləcəyinin Rusiyaya güzəşt olduğuna işarə etməyə çalışır. Amma Rusiya bunu güzəşt və ya alver predmeti hesab etmir. Bunun öz xeyrinə olduğunu düşünürsə, danışıqlara başlaya bilər. Əks təqdirdə, heç bir danışıq ola bilməz", – deyə Nikolay Silayev vurğulayıb.
Telegram kanalımız
