"Fitch Ratings" analitiklərinin fikrincə, Yaxın Şərqdəki hərbi münaqişəyə görə neft qiymətlərinin uzun müddət yüksək olması Qazaxıstan və Azərbaycan üçün ixrac və maliyyə gəlirlərində gözlənilməz artımlara səbəb ola bilər.
"Yeni Sabah" xəbər verir ki, Fars körfəzi xaricindəki inkişaf etməkdə olan bazarlardakı xalis karbohidrogen ixracatçıları, məsələn, Anqola, Argentina, Azərbaycan, Braziliya, Kolumbiya, Ekvador, Qabon, Qazaxıstan, Nigeriya və Konqo Respublikası üçün enerji qiymətlərinin uzun müddət yüksək olması ixrac və maliyyə gəlirlərində gözlənilməz artımlara səbəb ola bilər.
"Fitch" vurğulayır ki, İrandakı qeyri-sabitlik kütləvi qaçqın axınına səbəb olarsa, Azərbaycan, İraq və Türkiyə müəyyən dərəcədə zərər çəkə bilər. pizza
Agentlik hesab edir ki, İranla hərbi münaqişə enerji idxalı, pul köçürmələri, büdcə subsidiyaları, valyuta məzənnələri və beynəlxalq maliyyələşdirməyə çıxış kimi kanallar vasitəsilə bir sıra inkişaf etməkdə olan bazar ölkələrinin suveren reytinqləri üçün əlavə çətinliklər yarada bilər.
Xatırladaq ki, Azərbaycanın 2026-cı il dövlət büdcəsində neft ixrac qiymətinin barel üçün 65 dollar, Qazaxıstanın büdcəsində isə barel üçün 60 dollar proqnozlaşdırılır.
Telegram kanalımız
