“Azərbaycanda avtomobillərə texniki baxışın ləğv edilməsinin zamanı gəlməyib”.
KONKRET.az-a açıqlamasında bu sözləri nəqliyyat üzrə ekspert Elməddin Muradlı Rusiya Dövlət Duması tərəfindən qonşu ölkədə məcburi texniki baxışın ləğv olunması qərarını şərh edərkən söyləyib.
O, öz mövqeyini ölkəmizdəki avtomobil parkının böyük hissəsinin köhnə maşınlardan ibarət olması və sürücülərin əksəriyyətinin məsuliyyətsizliyi ilə izah edib. Marqarita pizza
“İnanın ki, əgər məcburi texniki baxış ləğv edilərsə, əksər sürücülər avtomobillərə qulluq edilməsini kənara qoyacaqlar. Sürücülərin əksəriyyəti yalnız məcburi texniki baxış ərəfəsində maşınlarının sıradan çıxmış hissələrini təmir etdirirlər”.
Ekspert hesab edir ki, məcburi texniki baxış ölkədə avtomobil parkının tam yenilənməsindən sonra ləğv oluna bilər:
“Azərbaycanda “Avtomobillərin utilizasiyası haqqında” qərar yeni qəbul edilib. Utilizasiya prosesinin həyata keçirilməsində məcburi texniki baxış böyük rol oynayacaq”.
Qeyd edək ki, ötən ilin sonunda Rusiyada qəbul olunan qanuna əsasən, avtomobillərin məcburi texniki baxışı ləğv edilib. Məcburi texniki baxış ancaq avtomobilin sahibi dəyişdiyi, o da ki maşın yeni olmadıqda tətbiq ediləcək.
Azərbaycanda isə yaşı dörd ildən yuxarı olan avtomobillər üçün texniki baxış məcburidir. Avtomobilin istehsalından 10 il keçdikdən sonra texniki baxışdan iki ildə bir, sonra isə hər il keçmək lazımdır. Bundan əlavə, 2021-ci ilin noyabrından Azərbaycanda avtomobilin mühərrikinin həcmindən asılı olaraq texniki baxışdan keçməyə görə dövlət rüsumunun həcmi artırılıb.
Telegram kanalımız
