“Unibank” depozit faizlərini yenə azaldıb.
“Yeni Sabah” bu barədə banka istinadən xəbər verir. Məlumata görə, bank müddətli əmanət faizlərini 0,75%-dək azaldıb.
“Unibank” müddətli əmanətlər üzrə maksimal gəlirliyi 12%-dən 11,5%-ə endirib. Bu, 18 ay müddətinə yerləşdirilən depozitlərə şamil edilir. pizza hut
Bank 6 aylıq əmanətlər üzrə faizləri 11%-dən 10,25%-ə, 12 aylıq əmanətlər üzrə faizləri 11,5%-dən 11%-ə endirib. 3 və 24 aylıq əmanətlər üzrə isə təklif edilən gəlir dəyişməyib. Müvafiq olaraq 9% və 10,5% təşkil edib.
Xatırladaq ki, “Unibank” 2002-ci ildə Azərbaycanın iki kommersiya bankı - 1992-ci ildən fəaliyyət göstərən "Mbank" və 1994-cü ildən mövcud olan "Promtexbank"ın birləşməsi ilə yaradılıb. Onun nizamnamə kapitalı 149,4 milyon manatdır. Bankın səhmlərinin əsas hissəsi- 94,08%-i Eldar Qəribova, 5,92%-i isə digər səhmdara aiddir.
Telegram kanalımız
