“Hal-hazırda rabitə xidmətləri, o cümlədən vətəndaşlarımızın telefon, internetlə fasiləsiz təmin olunması ciddi nəzarətdə saxlanılır”.
“Yeni Sabah” xəbər verir ki, bu fikirləri Yenicag.az-a açıqlamasında ölkədə tətbiq olunmuş karantin rejimi şəraitində internet və rabitə xidmətlərinin keyfiyyətinin aşağı düşməsi haqda şikayətlərə münasibət bildirən Nəqliyyat, Rabitə və Yüksək Texnologiyalar Nazirliyinin mətbuat katibi Günel Gözəlova deyib.
Günel Gözəlovanın sözlərinə görə, Nazirlik tərəfindən vətəndaşların kəsintisiz internet xidməti ilə təmin olunması üçün tabeli qurumlara tapşırıqlar verilib: pizza mizza
“Nəqliyyat, Rabitə və Yüksək Texnologiyalar Nazirliyi tərəfindən əhalinin nəqliyyat, poçt, telekommunikasiya, o cümlədən, internet, mobil rabitə xidmətləri və radio-televiziya yayımı ilə keyfiyyətli və davamlı şəkildə təmin edilməsinə dair tabeli qurumlara, rabitə birlik-müəssisələrinə, həmçinin telekommunikasiya operatorlarına müvafiq tapşırıqlar verilib.
Hal-hazırda nazirliyin nəzarətində olan digər sahələrlə yanaşı, rabitə xidmətləri, o cümlədən vətəndaşlarımızın telefon, internetlə fasiləsiz təmin olunması ciddi nəzarətdə saxlanılır”.
Məsələ ilə bağlı internet xidməti gösətərən bəzi şirkətlərlə də əlaqə saxlamağa çalışdıq. Təəssüf ki, o şirkətlərin heç birindən davamlı zənglərimizə cavab verilmədi.
Bu, bir daha evdə keçirəcəkləri günlərdə vətəndaşların kəsintisiz internetlə təmin olunub-olunmayacaqları barədə narahatlıqlarını anlamağımıza imkan yaradır. Normal günlərdə internet xidmətləri ilə bağlı gələn saysız-hesabsız şikayətləri nəzər alsaq, karantin dövründə belə şikayətlərin daha da artacağını təxmin etmək olar.
Telegram kanalımız
