Azərbaycan Televiziya və Radio Verilişləri QSC-nin Teleradio Akademiyası dinləyicilərin qəbulu ilə bağlı müsabiqə elan edir.
Akademiyanın İctimaiyyətlə əlaqələr şöbəsindən "Yeni Sabah"a verilən məlumata görə, müsabiqədə aparıcı, reportyor, redaktor, rejissor, montajçı və operator peşəsinə yiyələnmək istəyənlər iştirak edə bilərlər.
Müsabiqəyə 30 yaşına qədər ali və ya natamam ali təhsili olan şəxslər qatıla bilərlər. Aparıcı və reportyor kurslarına qatılmaq istəyənlərin nitq qabiliyyəti və xarici görünüşü efirə uyğun olmalıdır. Dominos pizza
Müsabiqədən keçən dinləyicilər:
Teleradio Akademiyasında təhsil almaq imkanı qazanacaqlar;
Kursu bitirdikdən sonra onlara Teleradio Akademiyasının sertifikatları təqdim olunacaq;
Dinləyicilərin ən istedadlıları Azərbaycan Televiziya və Radio Verilişləri QSC-də işlə təmin olunacaqlar.
Tədris Teleradio Akademiyasının tanınmış peşəkar mütəxəssisləri və xaricdən dəvət olunmuş müəllimlər tərəfindən aparılacaq.
Dinləyicilər CV-lərini 2019-cu il aprelin 15-dək qeyd olunan e-mail ünvanına göndərə bilərlər: tvakademiya@aztv.az
Əlaqə nömrələri: 537 02 46, 537 02 32, mobil: 050 621 54 41.
Telegram kanalımız
