Paytaxt ərazisində qatı toz dumanı müşahidə olunur. Bakı üçün xarakterik olmayan bu vəziyyət sakinləri narahat edir. Bəs bu hava şəraitinə səbəb olan hansı amildir və bu vəziyyət nə vaxtadək davam edəcək?
Yenisabah.az-a bu haqda açıqlama verən meteoroloq Cavid Hüseynov havada tozun miqdarının çoxalmasını belə əsaslandırıb:
“Havadakı tozun miqdarının normadan (yol verilən qatılıq həddindən) çox olması mövcud sinoptik şəraitlə, yəni, Qazaxıstan və Türkmənistan ərazisindən ölkəmizin hava məkanına isti və tozlu hava kütləsinin daxil olması əlaqədardır. Yaranmış əlverişsiz hava şəraiti toza qarşı həssaslığı və allergiyası olan insanlarda narahatlıq yarada bilər”. pizza
Meteoroloq belə havanın bir neçə gün davam edəcəyini də bildirib:
“Adətən, bu proses Qazaxıstan üzərində antisiklonik şərait yarandığı zaman baş verir. Qazaxıstan üzərində yaranmış antisiklon şərqə doğru uzaqlaşdıqdan sonra həmin istiqamətdən gələn hava axınları dayanır və havada müşahidə olunan tozun miqdarı da tədricən azalır.
Tozlu hava şəraitinin yaxın 3-4 gün ərzində tədricən normallaşacağı ehtimal edilir”.
Aytac Şahin
Telegram kanalımız
