Braziliyada ağır itkilərə səbəb olan Covid-19 pandemiyası səbəbiylə 2 ildir keçirilə bilməyən “dünyanın ən böyük küçə şousu” Rio Karnavalı bu il yenidən baş tutub.
Yenisabah.az xarici KİV-ə istinadən xəbər verir ki, Braziliyanın Rio-de-Janeyro şəhərində hər il təşkil edilən, lakin ölkədə böyük insan tələfatına səbəb olan koronovirus pandemiyası səbəbindən 2 illik fasilə verən məşhur Rio Karnavalı dünən böyük coşğu ilə başlayıb.
Braziliya samba məktəblərinin rəqqasları və musiqiçiləri Rio-de-Janeyrodakı Sambadrome parad meydançasında tamaşaçıların coşğulu alqışları altında açılış mərasimini keçiriblər. Çox sayda insanın qatıldığı Rio Karnavalı aprelin 30-dək davam edəcək. Dominos pizza
Qeyd edək ki, Braziliya ABŞ-dan sonra dünyada Covid-19 pandemiyası səbəbiylə ən çox ölümlə nəticələnən ikinci ölkədir. Braziliyada indiyədək pandemiya səbəbindən 660 mindən çox insan həyatını itirib.
Nəzrin Vahid
Telegram kanalımız
