Ötən il dövlət büdcəsindən ayrılan vəsait hesabına 1197 din xadiminə aylıq maddi dəstək verilib.
Bu barədə “Yeni Sabah”ın sorğusuna cavab olaraq, Dini Qurumlarla İş üzrə Dövlət Komitəsindən bildirilib.
Qeyd olunub ki, din xadimlərinə maliyyə dəstəyi Dövlət Komitəsinin tabeliyindəki Mənəvi Dəyərlərin Təbliği Fondu tərəfindən təmin edilir: Toyuqlu pizza
“Prezident İlham Əliyevin 10 oktyabr 2017-ci il tarixli fərmanı ilə Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fondu (MDTF) yaradılıb. Fond ölkəmizdə dini etiqad sahəsində maarifləndirmə işlərinin aparılması, mənəvi dəyərlərin qorunması və inkişafı, dövlət-din münasibətləri sahəsində proqramların həyata keçirilməsi, eləcə də vətəndaşların və xaricdə yaşayan azərbaycanlıların dini etiqad azadlığının təmin olunması istiqamətində fəaliyyət göstərir”.
Məlumata görə, MDTF-nin fəaliyyət istiqamətlərindən biri də din xadimlərinə maliyyə dəstəyinin göstərilməsidir.
“Din xadimlərinə göstərilən maddi dəstək onların dini etiqad azadlığının təmin olunması sahəsindəki fəaliyyətinə, eləcə də sosial müdafiəsinin gücləndirilməsinə yönəlmiş məqsədli proqram xarakteri daşıyır. Bu məqsədlə ötən il dövlət büdcəsindən ayrılan vəsait hesabına 1197 din xadiminə aylıq maddi dəstək verilib. Bildiririk ki, bu ilin yanvarın 13-də Mənəvi Dəyərlərin Təbliği Fondunun Himayəçilik Şurasının iclası keçirilib, cari ildə də din xadimlərinə göstərilən aylıq maddi dəstəyin davam etdirilməsi qərara alınıb”, - Dini Qurumlarla İş üzrə Dövlət Komitəsindən bildirilib.
Nazim Hacıyev
Telegram kanalımız
