2026-cı ilin 1-ci rübü üzrə operativ məlumatlara əsasən, Azərbaycanda elektrik enerjisinin istehsalı 6 991 mln. kVt·st olub.
“Yeni Sabah” xəbər verir ki, bu barədə Energetika Nazirliyi məlumat yayıb.
Bu dövrdə İES-lərdə 6 066 mln. kVt·st, SES-lərdə 510,5 mln. kVt·st, digər mənbələr üzrə isə 414,5 mln. kVt·st, o cümlədən külək elektrik stansiyalarında 247,7 mln. kVt·st, günəş elektrik stansiyalarında 91,3 mln. kVt·st, Bərk Məişət Tullantılarının Yandırılması Zavodunda isə 75,5 mln. kVt·st elektrik enerjisi istehsal edilib. Dördpendirli pizza
Yanvar-mart aylarında 2025-ci ilin müvafiq dövrü ilə müqayisədə külək elektrik stansiyalarında elektrik enerjisi istehsalı 238,2 mln. kVt·st artıb. Ümumilikdə SES-lər də daxil olmaqla bərpa olunan enerji mənbələri üzrə elektrik enerjisi istehsalı 925 mln. kVt·st təşkil edib.
Rüb ərzində elektrik enerjisinin istehsalı “Azərenerji” ASC üzrə 6 076,8 mln. kVt·st (İES-lərdə 5 558,6 mln. kVt·st, SES-lərdə 508,1 mln. kVt·st, GES-lərdə 10,1 mln. kVt·st), “Azərişıq” ASC üzrə külək elektrik stansiyalarında 7,9 mln. kVt·st, müstəqil elektrik stansiyaları üzrə isə 906,3 mln. kVt·st təşkil edib.
Hesabat dövründə elektrik enerjisinin ixracı 142,4 mln. kVt·st, idxalı isə 35,0 mln. kVt·st olub.
Telegram kanalımız
