Braziliyanın San Paulo əyalətindəki sahil şəhəri Santos son illərdə ciddi ekoloji problemlə üzləşib.
"Yeni Sabah" xəbər verir ki, xüsusilə sahil xətti boyunca yerləşən hündürmərtəbəli binalarda nəzərəçarpacaq dərəcədə əyilmə müşahidə olunur. Bildirilir ki, dəniz səviyyəsinin yüksəlməsi və yerin hərəkəti sahil xətti boyunca binaların nəzərəçarpacaq dərəcədə əyilməsinə səbəb olur. Mütəxəssislərin fikrincə binaların əyilməsinə sahil eroziyası və bölgənin yumşaq torpaq quruluşu səbəb olur. Məlumata görə, Atlantik okeanı sahilində yerləşən şəhərdə dəniz səviyyəsinin yüksəlməsi və torpağın zamanla sıxlaşması strukturların sabitliyini pozur. Bu problem yalnız vizual problem deyil, həm də ciddi təhlükəsizlik riski yaradır.
Hakimiyyət vəziyyəti həll etmək üçün hərtərəfli müdaxilə planı üzərində işləyir. Plana sahil mühafizə sistemləri, yer möhkəmləndirmə işləri və dənizin irəliləməsini yavaşlatmaq üçün mühəndislik həlləri daxildir./Metbuat.az Toyuqlu pizza
Telegram kanalımız
