İranın xarici işlər naziri Məhəmməd Cavad Zərif İslam İnqilabı Keşikçiləri Korpusunun (İİKK) Qüds Xüsusi Qüvvələrinin qətlə yetirilmiş rəhbəri general Qasım Süleymaninin ailəsi qarşısında geniş rezonans doğurmuş gizli müsahibəsində söylədiyi sözlərə görə üzr istəyib.
Yenisabah.az xəbər verir ki, Zərifin sözlərinə görə, İranda siyasi dairələrdə rezonans doğuran ifadələr bəzi qüvvələr tərəfindən siyasi alət kimi istifadə olunur.
“Məni günahlandıran, mənə böhtan atanların hamısını bağışlayıram. Ümidvaram ki, böyük İran xalqı, generalın bütün pərəstişkarları və xüsusilə böyük Süleymanilər ailəsi məni bağışlayacaqlar”, - XİN başçısı instaqram səhifəsində yazıb. Marqarita pizza
Xatırladaq ki, Zərif general Süleymaninin Moskva ilə iş birliyinə girərək Qərb ölkələri ilə razılaşdırılmış nüvə proqramını sabotaj etdiyini deyib./Teleqraf
Telegram kanalımız
