“Əvvəllər cır meyvələri meşədən camaat yığırdı. Onların qarşısında heç kəs qadağa qoymamışdı. Nə qanun var idi, nə bir şey. İndi 21-ci əsrdir, juliklərin, banditlərin əsridir”.
Bu sözləri “Yeni Sabah”a açıqlamasında ekoloq Telman Zeynalov deyib.
Onun sözlərinə görə, cərimələr ona görə artır ki, dərmanların qiymətləri dünya bazarında qalxır: “Cürbəcür qanunlar, qərarlar icad edib yayırlar ki, təbiətdə olan bütün nemətləri əllərinə keçirsinlər. Meşənin qırağında dağlarda yaşayırlarsa, orda dərman bitkiləri varsa, dədə-babadan keçib ki, təbii dərmanlarla özünü müalicə edə bilərsən. Bunları bilirlər deyə qadağa qoyurlar. Kim qadağa qoya bilər? Təbiət onların deyil ki! Bütün millətindir. Bu çox sərt addımdır. Bunu yaradanlar da biznesmenlərdir. Cəriməni ona görə artırıblar ki, həmin dərmanların qiyməti dünya bazarında qalxır. Bilirlər ki, alıcılar buna milyon, milyardlarla pul verirlərsə, demək qiymətlər avtomatik qalxır”. pizza mizza
Ekoloq bildirib ki, bu məhsulları camaatdan alanda qiymətini qaldırmaq yaxşı olardı:
“Onda camaat ailəsini dolandırmaq üçün mütləq yığıb hökumətə təhvil verəcək. Bunu etməli idilər, amma dolayı yolla başqa cür yaxınlaşıblar ki, cərimələndirək. Bəs onu kim yığacaq?
Əgər belə edirlərsə, demək biznesmenlər öz dəstələrini yaradıb meyvələri yığdıracaqlar və ölkə xaricinə çıxaracaqlar. Mənə elə gəlir ki, hər hansı şəxs, ailə o zonada yaşayırsa, onlar bununla dolanırlarsa, onların qarşısında çəpər qoymağa ehtiyac yoxdur. Əgər istəyirlərsə onlar yığıb cürbəcür yolla camaata satıb pul qazansınlar onda əhalinin yığdığı otları, meyvələrin qiymələrini qaldırsınlar və onlardan alsınlar. İnsanlar da bilsin ki, bununla ailəsini dolandıra biləcək. Demək, bu onlara sərf etmir. İstəyirlər həmin ərazilərdə yaşayanları acından öldürsünlər. Dünyada belə bir tendensiya gedir: qızıl, milyardı saxlamaq, qalan hamısı məhv olub getməlidir. Hətta bizim biznesmenlər də ona gedirlər, milləti qırmağa hazırdırlar”.
Əsmər Qabil
Telegram kanalımız
