"Vətəndaş və İnkişaf Partiyası (VİP) fəaliyyətini dayandırmayacaq”.
Yenisabah.az Qaynarinfo-ya istinadla xəbər verir ki, bunu partiyanın təşkilatı işlər üzrə sədr müavini Zaur Qasımov deyib.
O bildirib ki, "Siyasi partiyalar haqqında” yeni qanun layihəsinin tələblərinə uyğun qeydiyyatdan keçmək üçün bütün sənədlər aidiyyatı qurumlara təqdim olunacaq: pizza
"Vətəndaş və İnkişaf Partiyasının hər hansı partiyaya birləşmək fikiri yoxdur. Başqa bir partiyadan da VİP-ə birləşməklə bağlı təklif gəlməyib. Belə bir təklif gələrsə onu müzakirə edərik”.
Qeyd edək ki, Vətəndaş və İnkişaf Partiyası 28 may 2006-cı ildə Əli Əliyevin rəhbərliyi ilə yaradılıb. İlk qurultayda sədr seçilən Əli Əliyev 2021-ci ildə Qaraheybət aviasiya poliqonunda baş verən helikopter qəzasında yaralanan polkovnik-leytenant Emil Cəfərov və kapitan Ramin Ədilov tərəfindən xüsusi ittiham qaydasında məhkəməyə verilib. Cinayət Məcəlləsinin 147.1-ci (Böhtan) maddəsi ilə ittiham olunan partiya sədri 3 il 6 ay müddətə azadlıqdan məhrum edilib.
Telegram kanalımız
