Astrologiyada tez-tez müzakirə olunan mövzulardan biri də “yalan danışan bürclər” anlayışıdır. Sosial şəbəkələrdə və gündəlik söhbətlərdə bəzən bir bürcün digərlərindən daha hiyləgər, daha gizli və ya daha manipulyativ olduğu iddia edilir. Bəs bu doğrudanmı belədir, yoxsa sadəcə astroloji stereotiplərdən ibarətdir?
“Yeni Sabah” bildirir ki, astrologiyada “yalan” anlayışı həmişə açıq-aşkar aldatma mənasında işlədilmir. Daha çox həqiqəti gizlətmək, yarımçıq informasiya vermək, reallığı öz xeyrinə dəyişmək, emosional və ya psixoloji müdafiə məqsədli davranış kimi meyllər nəzərdə tutulur. Yəni bürclər yalançı yox, yalanla münasibəti fərqli olan xarakter tipləri kimi təqdim olunur.
Astroloji baxımdan “yalanla arası yaxşı” sayılan bürclər aşağıdakılardır: Marqarita pizza
Əkizlər
Əkizlər bürcü ünsiyyət və söz ustalığı ilə tanınır. Onlar vəziyyətə uyğun danışmağı bacarır və bəzən qarşı tərəfi itirməmək, mübahisədən qaçmaq üçün həqiqəti yumşalda bilərlər. Bu, çox vaxt şüurlu yalan deyil, daha çox situativ uyğunlaşmadır.
Əqrəb
Əqrəb sirr saxlamağı sevən və hər kartını açmayan bürcdür. Onlar hər şeyi deməməyi yalan hesab etmirlər. Bu səbəbdən kənardan baxanda manipulyativ görünə bilərlər. Əslində isə məqsəd çox vaxt özünü qorumaqdır.
Balıqlar
Balıqlar emosional və xəyalpərəstdir. Reallıq ağır gəldikdə, onu bir az bəzəməkdən çəkinməyə bilərlər. Bəzən öz dediklərinə özləri də inanırlar. Bu səbəbdən Balıqların yalanı çox vaxt şüursuz olur.
Şir
Şir diqqət mərkəzində olmağı sevir. İmajını qorumaq və güclü görünmək üçün hadisələri şişirtməsi mümkündür. Bu, daha çox özünü təqdimetmə ilə bağlıdır, planlı aldatma ilə yox.
Oxatan
Oxatan dürüstlüyü ilə tanınsa da, çətin vəziyyətdə qalanda “zərərsiz yalan”a əl ata bilər. Paradoksal şəkildə həm ən açıq, həm də ən ani yalan danışan bürclərdən biri sayılır.
Əslində heç bir bürc doğuşdan yalançı deyil. İnsanların yalan danışması onların aldığı tərbiyə, həyat təcrübəsi, qorxu və maraqlar, psixoloji durumla bağlıdır. Bürclər sadəcə bu davranışlara meyl və yanaşma tərzini izah etməyə çalışır.
Telegram kanalımız
