Türkiyə prezidenti Rəcəb Tayyib Ərdoğan son 12 ildə ilk dəfə Misirə rəsmi səfər edib.
Yenisabah.az xəbər verir ki, onu Misir prezidenti Əbdülfəttah Sisi qarşılayıb.
İki liderin Qahirədə baş tutan görüşündə ikitərəfli əməkdaşlıq məsələləri və Türkiyə ilə Misir arasında əlaqələrin inkişaf perspektivləri, habelə regional məsələlər, o cümlədən Liviya və Suriyadakı vəziyyət müzakirə edilib. pizza
Ərdoğan və Sisi də dar çərçivədə danışıqlar aparıb və burada iki ölkə arasında iqtisadi və siyasi əməkdaşlığı gücləndirmək üçün gələcək addımları müzakirə ediblər.
Səfər zamanı ticarət və investisiyaların inkişafına yönəlmiş bir sıra sazişlər imzalanıb.
Qeyd edək ki, Türkiyə ilə Misir arasında münasibətlər 2013-cü ildə prezident Məhəmməd Mursinin devrilməsindən sonra gərginləşib. Lakin son illər hər iki tərəf münasibətləri normallaşdırmaq və müxtəlif sahələrdə əməkdaşlığı inkişaf etdirmək istəyini nümayiş etdirib.
Telegram kanalımız
