“ABŞ Konqresinin Nümayəndələr Palatasının sədri Nensi Pelosi Ermənistanda ölkəmizin əleyhinə çox qərəzli və qəbuledilməz bəyanat verib. Spiker Pelosi Azərbaycana qarşı qətnamə hazırlandığını, ermənilərə hər zaman kömək etməyə hazır olduqlarını söyləyib, ATƏT-in Minsk Qrupunu yenidən “diriltməyə” çağırıb. Nensi Pelosi noyabr ayında ABŞ-da parlamentə keçirilən seçkilərdə ermənilərdən daha çox dəstək almaq niyyəti ilə hətta Zəngəzur dəhlizinin əleyhinə olduğunu da xüsusi vurğulayıb”.
Yenisabah.az xəbər verir ki, bu sözləri Milli Məclisin deputatı Qənirə Paşayeva deyib. Xanım deputat xatırladıb ki, əslində, 1992-ci ildə ölkəmizə qarşı hərbi təcavüz edən Ermənistanı deyil, təcavüzə və işğala məruz qalan Azərbaycanı cəzalandırmaq üçün “Azadlıq aktına 907-ci düzəlişi” qəbul edən ABŞ Konqresindən və onun spikerindən ədalət və beynəlxalq hüquqa hörmət gözləməyin mənası yoxdur: "Bunu vurğulamaqla yanaşı, Nensi Pelosinin bu cür təhrikçi və bölgədə sülhə və təhlükəsizliyə böyük zərbə olan, revanşistləri daha da qızışdıran bəyanatını qəti şəkildə pisləyirik və ABŞ-da yaşayan soydaşlarımızı, qardaş və dost xalqların bu ölkədəki diaspor təşkilatlarını bu məsələdə xüsusu həssas olmağa, ciddi etirazlarını bildirməyə çağırırıq.
Erməni diasporunun əlində oyuncağa çevrilən və ABŞ-Azərbaycan arasında strateji müttəfiqliqlik əlaqələrini ciddi şəkildə zərbə vuran Pelosinin ədalətsiz və zərərli bəyanatına Dövlət Departamenti tərəfindən qısa zamanda adekvat reaksiya verilməsini gözləyirik. Pelosi kimi siyasətçilərin bəyanatlarını gördükdə bir daha anlayırsan ki, Azərbaycan Prezidenti, Azərbaycan xalqı və Azərbaycan ordusu 44-günlük ikinci Qarabağ savaşında Ermənistanı məğlub edərək torpaqlarını işğaldan azad etməklə nə qədər böytük tarixi zəfərə və başarıya imza atıb. Dominos pizza
Bu zəfərin və qələbənin qiymətini daha çox bilək, birliyimizi, gücümüzü və dövlətimizi daha da güclü qoruyaq! Hamımız Ali Baş Komandanın ətrafında yumruq kimi birləşməliyik və ölkəmizi zəiflətməyə uzanan əllərə və niyyətlərə qarşı ciddi mübarizə aparmalıyıq".
Telegram kanalımız
