Avropa İttifaqının (Aİ) Ermənistandakı missiyası Qafan, İcevan və Yexeqnadzorda yeni əməliyyat mərkəzləri açacaq.
Yenisabah.az “Armenpress”ə istinadla xəbər verir ki, bu barədə Aİ-nin Ermənistandakı missiyasının saytında məlumat dərc olunub.
Missiyanın rəhbəri Markus Ritter bildirib ki, missiyanın mövcud olduğu ilk 3 ay ərzində missiya Gorus, Cermuk və Martunidəki əməliyyat mərkəzlərindən 300-dən çox patrul həyata keçirib. pizza
“Növbəti aylarda missiya Qafan, İcevan və Yexeqnadzorda üç əlavə əməliyyat qovşağı açmağı planlaşdırır. Beləliklə, yaxın gələcəkdə tədricən tam gücə çatacaıq”, – deyə Ritter vurğulayıb.
Missiya rəhbəri əlavə edib ki, onların məqsədi digərləri ilə yanaşı, sərhədyanı rayonların təhlükəsizliyinin sabitləşməsinə töhfə verməkdir.
Ritter bildirib: “Bir çox erməni rəsmilərinin fikrincə, Avropa İttifaqının Ermənistandakı missiyası vəziyyətin müəyyən qədər sabitləşməsinə töhfə verib. Bununla belə, vəziyyət hələ də qeyri-sabit olaraq qalır”.
Telegram kanalımız
