Qafqaz Müsəlmanları İdarəsində çalışan Hacı Sədi yas məclislərinin birində Fazil Mustafanı ciddi tənqid edib. Deputat həmin videonu paylaşaraq tənqidə cavab verib.
Yenisabah.az xəbər verir ki, Fazil Mustafa onu tənqid edənlərin Qumdan gələn mətni oxuduqlarını bildirib:
"Bu Vətən xainlərinə ayrıca təlimat gəlib. Hamısı Qumdan gələn mətni oxuyurlar. Bu şəhidlərimizin qanını ermənin dığası təklikdə tökməyib. Bunların ağası ilə birlikdə töküb. Bunlar şəhidlərimizi qətlə yetirənlərin təbliğatçılarıdır. Sezar pizza
Məmurlarımızın, qurumlarımızın yaratdığı boşluqdan istifadə edib şəhidlərin matəm mərasimlərində düşmənin təbliğatını aparırlar. Bunların Azərbaycan üçün can verən, düşməni məhv edən şiələrə heç bir aidiyyatı yoxdur. Bunlar illərdir din məkanımızı işğal etmiş Qumcuqlardır. Burası Azərbaycandır, orada 30 milyonun hansı zülmlər çəkdiyini görürük, anlayırıq. Rəsulzadənin qurduğu bu işıqlı cumhuriyyəti o qaranlığa gömməyinizə yol verməyəcək oğulların dəmir yumruğunu hökmən dadacaqsınız. Dığalara da, ağalara da bu məmləkətdə at oynatmağa izin verilməyəcək" - deputat bildirib.
Qeyd edək ki, Fazil Mustafa sosial şəbəkələrdə yayılan "Yas mərasimlərində kişilər ağlamaz" ifadəsinə görə din xadimləri tərəfindən tənqid olunub.
Deputatın paylaşdığı videonu təqdim edirik:
Telegram kanalımız
