FİFA”qadınlardan ibarət futbol millimizi reytinqdən çıxarıb.
“Yeni Sabah” xəbər verir ki, qadın futbolçuların yeni reytinq cədvəlində dünyanın 155 yığması yer alıb. Komandaların ümumi sayında yeni rekord qeydə alınsa da, Azərbaycan millisi bu siyahıya daxil edilməyib. Adətən üç aydan bir açıqlanan reytinqin 2018-ci ilin dekabrındakı cədvəlində 1360 xalla 69-cu olan Azərbaycan millisi mövqeyini tamamilə itirib.
“FİFA” son dövrlərdə az sayda oyun keçirən yığmamızı uzun müddət fəal olmadığı üçün siyahıdan kənarlaşdırıb. “FİFA”nın reytinq cədvəlinə ABŞ millisi başçılıq edir – 2101 xal. Almaniya 2072 xalla ikinci, 2049 xala malik İngiltərə üçüncü pillədə qərarlaşıb.
Qeyd edək ki, növbəti reytinq siyahısı iyulun 12-də açıqlanacaq.
Telegram kanalımız
