Azərbaycanlıların süfrəsini bəzəyən bəzi yeməkləri yemək üçün mövsümü gözləmək lazım gəlir. Havanın soyumasını xəngəl mövsümünün başlaması da saymaq olar. Bəs kimlər xəngəli az yeməlidir?
“Yeni Sabah” bununla bağlı maraqlı məlumatları təqdim edir:
1. Şəkərli diabet xəstələri Toyuqlu pizza
Xəngəl əsasən undan hazırlanır, üzərinə də yağlı ət və kərə yağı əlavə edilir. Bu, qan şəkərinin sürətlə yüksəlməsinə səbəb olur. Diabetli şəxslər üçün belə yeməklər qan şəkərini idarə etməyi çətinləşdirir. Əgər diabetiniz varsa, xəngəlin porsiyasını azaldın və tam buğda unu ilə hazırlanmış daha “yüngül” versiyaları seçin.
2. Yüksək təzyiq və ürək-damar xəstəlikləri olanlar
Kərə yağı, duz və yağlı ət - damarları yoran, təzyiqi qaldıran əsas səbəblərdəndir. Xəngəldə bu üçü bol olur. Ürək və təzyiq problemi olanlar xəngəldən tam imtina etməsə də, duz və yağ miqdarını ciddi azaltmalıdırlar.
3. Öd kisəsi problemi yaşayanlar
Yağlı yeməklər öd kisəsini sıxır və orada daş varsa, bu ağrılı tutmalara səbəb ola bilər. Yağlı qoyun əti və kərə yağı öd xəstələri üçün ən təhlükəli birləşmələrdəndir.
4. Pankreas (pankreatit) xəstələri
Bu xəstəlik zamanı yağlı yeməklər pankreası daha çox işləməyə məcbur edir və iltihabı artırır. Xəngəlin kərə yağı ilə dolu klassik versiyası pankreatitli insanlar üçün qəti uyğun deyil.
5. Mədə və reflüks problemi olanlar
Ağır və yağlı yeməklər mədə turşusunu artırır, ürək yanmasına və qaza səbəb olur. Xəngəldəki sarımsaq, qızardılmış soğan və ədviyyatlar bu hallarda vəziyyəti daha da pisləşdirə bilər.
6. Böyrək xəstəlikləri
Böyrək problemi olanlarda duzlu və yağlı yeməklər böyrəyin yükünü artırır.
Necə yemək olar ki, zərər verməsin?
Porsiyanı azaldın. Böyük boşqab əvəzinə kiçik paylarla yeyin.
Yağı azaltın. Kərə yağını azaldın, bir hissəsini zeytun və ya günəbaxan yağı ilə əvəz edin.
Əti dəyişin. Yağsız ət, toyuqla hazırlamaq həm dadlı, həm də daha yüngül ola bilər.
Tam buğda unu istifadə edin. Beləliklə, həm lif çoxalar, həm də qan şəkəri yavaş qalxar.
Kəskin ədviyyatlardan qaçın. Xüsusilə mədə və reflüks problemi olanlar üçün bu çox vacibdir.
“Soyuqda xəmir xörəyi yeyilər” düşüncəsi yanlışdır
Bəli, payız və qışda xəngəl yemək istilik verir. Amma “bir dəfə yesəm, nə olacaq?” düşüncəsi bəzi xəstələr üçün ciddi fəsadlarla nəticələnə bilər. Qan təzyiqi, şəkər, öd, mədə və ya böyrək probleminiz varsa, xəngəl sizin üçün “dadlı təhlükə”yə çevrilə bilər.
Xəngəl milli mətbəximizin ləzzətli simvoludur, amma sağlamlıq hər şeydən önəmlidir. Əgər xəngəl yedikdən sonra mədə ağrısı, mədə yanması, şişkinlik və ya halsızlıq hiss edirsinizsə, bu, bədəninizin sizə xəbərdarlığıdır. Belə hallarda həkim və ya diyetoloqa müraciət edin.
Əsmətxanım
Telegram kanalımız
